Guðmundur Ingi Þorvaldsson útskrifaðist frá Goldsmiths University of London 2009 með Master í gjörningalist og leikstjórn. Ytra lék hann m.a í sjónvarpsþáttunum Any Human Heart og í myndbandi með Iron Maiden auk þess í nokkrum sviðsverkum í Shunt leikhúsinu. Hann útskrifaðist sem leikari frá leiklistarskóla Íslands árið 1998.
Hann á að baki hlutverk í um fjörutíu uppfærslum á sviði í atvinnuleikhúsum á Íslandi, um tuttugu í sjónvarp, bíó- og stuttmyndum, fimmtán leikstjórnarverkefni í atvinnuleikhúsi, fimm hljómplötur með eigin efni auk kennslu, talsetninga ofl.
Árið 2002 stofnaði hann Fimbulvetur ehf sem hefur til þessa dags einbeitt sér að grasrótarverkefnum. Í vetur mun Guðmundur m.a leikstýra tveimur nýjum íslenskum sviðsverkum, einu útvarpsverki, fer með hlutverk Sölva Sölvasonar í Hlemmavídeó hjá Stöð 2, Fjalla- Eyvindi í Norðurpólnum og er að leika í Hvað ef í Þjóðleikhúsinu. Allar nánari upplýsingar er að finna hér: http://gudmundurthorvaldsson.blogspot.com/
