Kolbeinn Arnbjörnsson

Kolbeinn Arnbjörnsson er fæddur og uppalinn á Ólafsfirði. Hann lærði myndlist við Verkmenntaskólann á Akureyri áður en hann flutti til Reykjavíkur. Þar kynntist hann Stúdentaleikhúsinu og tók þátt í fjórum sýningum þeirra, sat i stjórn auk þess að taka þátt í öðrum sjálfstæðum leikverkum.

Kolbeinn útskrifaðist sem leikari frá Listaháskóla Íslands árið 2012. Eftir útskrift hefur hann einbeitt sér að skrifum á sjónvarpsseríu, stuttmyndum, unnið að raddsetningu, leikið í sjónvarpsþáttum og auglýsingum.

Thelma Marín Jónsdóttir

Thelma Marín Jónsdóttir er fædd 1987 á Landspítalanum í Reykjavík. Hún ólst upp í vesturbænum og gekk í Grandaskóla og síðan Hagaskóla þar sem hún tók virkan þátt í félagslífinu. Hún útskrifaðist af Fornmáladeild II frá Menntaskólanum í Reykjavík og tók þátt í starfi leikfélagsins Á Herranótt öll árin sín. Eftir menntaskólann fluttist hún til Berlínar og vann m.a. kvikmynd með þýsku myndlistarkonunni Gudi Widlok í Ghana. Þaðan fór hún til Barcelona þar sem hún lærði líkamlega leiklist í þrjá mánuði og vorið 2010 tók hún þátt í uppfærslu Stúdentaleikhússins Hrópíum og komst inn í leikaranám Listaháskóla Íslands sama ár. Thelma útskrifaðist sem leikkona vorið 2013.

Á meðan Thelma var í Listaháskólanum lék hún m.a. í sjónvarpsseríunni Á tíma nornarinnar í leikstjórn Friðrik Þórs Friðrikssonar og í sjónvarpsauglýsingu fyrir Kea-skyr þar sem hún söng og spilaði á skyrdósir. Thelma hefur einnig starfað mikið með myndlistarmanninum Ragnari Kjartanssyni og undirbýr nú frekara samstarf á þessu ári. Thelma hefur einbeitt sér að láta drauma sína rætast og hefur nú þegar ferðast til 30 landa, getur bjargað sér á 6 tungumálum og er hvergi hætt að læra nýja hluti sem og að vinna við það sem hún elskar. Hennar helstu fyrirmyndir er fólk sem er fylgið sjálfu sér og gefst ekki upp.

Guðmundur Ingi Þorvaldsson

Guðmundur Ingi Þorvaldsson útskrifaðist frá Goldsmiths University of London 2009 með Master í gjörningalist og leikstjórn. Ytra lék hann m.a í sjónvarpsþáttunum Any Human Heart og í myndbandi með Iron Maiden auk þess í nokkrum sviðsverkum í Shunt leikhúsinu. Hann útskrifaðist sem leikari frá leiklistarskóla Íslands árið 1998.

Hann á að baki hlutverk í um fjörutíu uppfærslum á sviði í atvinnuleikhúsum á Íslandi, um tuttugu í sjónvarp, bíó- og stuttmyndum, fimmtán leikstjórnarverkefni í atvinnuleikhúsi, fimm hljómplötur með eigin efni auk kennslu, talsetninga ofl.

Lesa meira

Gunnar Sigurðsson

Gunnar Sigurðsson leikstjóri
Hólmgarði 27
108 Reykjavík
Sími 897 7694

Menntaður í leikstjón/leiklist frá Bristol Old Vic Theatre School og Emmerson College (músik,storytelling,listasaga,enska og fl) á Englandi. Endurmenntun Háskóla Íslands: Skóli Atvinnulífsins Markaðsfræði, rekstur,stjórnun 2000.

Lesa meira